قصة عبيط القرية

هذة قصة من نسج الخيال في كل شيء



في احدي الجامعات يدور هذا الحوار

احد الشباب يتقدم الي احدي الفتايات

هااااااااااااي ممكن نتعرف

لية ؟

يعني احنا زملاء في كلية واحدة ومدرج واحد اية المانع ان احنا نتعرف عادي

لا موش عادي ولو سمحت بعيد شوية علشان ليا صديقة هاتجلس مكانك هنا

اعتبريني زي زميلتك وعرفيني بنفسك ممكن نكون اصدقاء


بليز لو سمحت خليك بعيد عني علشان انا مضايقة شوية دلوقتي لو سمحت

فضفضى معايا نفسي نكون اصدقاء

ياربي ارحمني

السلام عليكم بعد اذنك يا اخ ممكن تتاخر شوية

اتاااخر يعني اية ؟؟

يعني تقعد تمشي عاوز اشوف السبورة موش شايفها ونت واقف كدا

سبووووورة!!! منين الاخ

وانت مالك انت هاتصحبني

ممكن براية يا انسة انتي

اللهم اني لا اسآلك رد القضاء ولكني اسآلك اللطف فية

ياساتر انتي لسة عاملة حادثة ولا هاتعملي ولا اية الحكاية بسآلك علي براية

معاكي قولي اهي اتفضل موش معاكي قولي موش معايا وخلصنا

براية اية يابن الحلال انت في الجامعة عارف يعني اية في الجامعة

عارف اني في الجامعة ودي اول سنة ليا في الجامعة وانا اساسآ موش من هنا

خلااص انت هاتحكيلي قصة حياتك

قصة حياتي اية يا انسة انتي معاكي براية ولا لاا ماعيش غير قلم رصاص

ومالوش سن علشان اكتب المحاضرة وعاوز براية ابري القلم كفرنا لما سآلنا علي البرايا


انت يا اخ يا اللي هناك ممكن براية

برااااية !!!!

امممم لا فية همبورجر تحب ازودلك الكاتشب ولا اخفلك المسطردة

شوفي الرد بتاع زميلك قال موش معايا موش انتي داخلة عليا حامية

يابن الحلال خلاص انا اسفة ممكن تقعد هنا بعد المحاضرة هاسلفك كشكول المحاضرات انقل منو المحاضرة

وبعدين رجعوا حلو الحل دة

عين العقل عين العقل

Please attention (صوت الدكتور )

اية الخط اللي ذى القرف دة بقي دة خط حرام عليكي اكتبي حلو انتي مجموعك كام في الثانوية ؟

واية اللي دخل المجموع في الخط

لا اصلي بقول انك يمكن تكوني ناجحة بالعافية او في واسطة علشان تيجي الجامعة دي

انت ما تعرفش تقعد ساكت شوية

انتي شيفاني بعض في هدومي ولا هاتزلينى علشان هانقل منك المحاضرة

وبصوت عالي في المدرج

يا خونا عاوز براية ولا موس

الدكتور

Get out of lecture

خلاص هاخرج انت متعصب لية كلو منك الله يسامحك

اكتبي بخط حلو وهاستناكي في القهوة اللي برة دى

ارحمني يارب

الاخ الاولاني فاكرينة :-

طيب ماهو الجميل بيتكلم مع شباب اهو ولا لازم اكون عبيط علشان تعبريني

قولتك لو سمحت خليك في حالك ممكن وركز في المحاضرة

ممكن اية بس هو اللي يشوف الجمال دة يعرف يركز في حاجة

انت عاوز اية دلوقتي

عاوز اتعرف بالجميل ليس الا

والجميل موش عاوز يتعرف بيك خلاص خلصنا

موش عارف انت لية بتعمليني كدا مع اني قلبي ابيض وعربيتي لانسر

الدكتور بيشاور عليك

ماشي يا جميل

يتبع..............

في كافيتريا الجامعة قاعد صاحبنا

واحد شاي ياعم الحاج تقيل سكر خفيف

بتقول اية يا استاذ ؟

بقولك واحد شاي تقيل سكر خفيف انت سمعك خفيف

انت فاكر نفسك هنا في قهوة بلدي

امال احنا فين هي دى موش القهوة بتاعة الجامعة ؟

لا موش القهوة بتاعة الجامعة دى اسمها كافيتريا الجامعة

يعني مافيش شاي هنا صح

لا فية شاي واكل وكل حاجة

خلاص تبقي قهوة

لا موش قهوة

خلاص ياعم الحاج هات الشاي وخلصنا دا انت صداع وموش فاهم حاجة خالص باين عليك

ولسة ياما هانشوف


وبعد انتهاء المحاضرة


هاي

قولي السلام عليكم اية هاي بتاعتك دي

بقولك اية انقل المحاضرة وخلصني انا زهقانة علي الاخر

لا يابنت الحلال تطلعي زهقك دة علي حد غيري انا بقولك اهو

وريني المحاضرة


يادي القرف والغم اللي انا شايفة اية ياانسة الخط الملعبك دة دا نكش فراخ ولا خط[/color]


هات المحاضرة انا اساسآ اسفة اني جيت ذى ماوعدك

انت اساسآ موش عارف حاجة خالص في الدنيا دى انت اساسآ

اية هو اللى اساسآ اساسآ انا قولت حاجة غلط

كلك علي بعضك غلط في غلط كلامك كلة غلط لبسك كلة غلط

مابتعرفش حتة تكلم البنت اذاي

خلاص ابقي هاتي الكتاللوج بتاعك معاكي وبعد ماقراة اعرف اكلمك
اقعدى خدى شاى

انت ياعم الحاج هات شاي بنعناع هنا

انت منين اساسآ ؟


لية انتي شغالة في المباحث


مباحث اية انت منين رد علي السؤال


انا اصلآ من الصعيد وابويا جهة القاهرة علشان الشغل بتاعة


يعني اخد الثانوية من هنا ولا من بلدكم


لا طبعآ في بلدنا هو هنا فية تعليم


انت بتعمل اية !!!!

بنقل المحاضرة


هاتنقل اكتر من 15صفحة


واية المشكلة


سبيني اركز لو سمحتي كفاية بقراء خطك بالعافية

اية الكلمة دي


لا بقولك اية فية اختراع اسموا تصوير تعالي اصورلك المحاضرة ونت مع نفسك

تكتبها تنقشها تبلها براحتك


طيب انا راضى زمتك يا شيخة خطي ولا خطك اللي عامل ذى نكش الفراخ دة شوفي الجمال


اللي يشوف خطك يحسدك علية واللي يسمععك ونت بتتكلم يبقي عاوز يخنقك


لية ياست كل دة انا عملتك اية


ست فية حد يكلم انسة بالمنظر دة


قولتلك هاتيلي الكتالوج بتاعك


خلاص انت اساسآ مشكلة


ياستي خليني اركز


تركز اية تعالا اصورلك المحاضرة


طيب بعد ما نشرب الشاي


ومين قالك اني بشرب الشاي


هههههههههههه يبقي بتشربي مية معدنية ههههههههه


وعلي غفلة يدخل صاحبنا القديم فاااكرينة

اتفضل جبتلك براية اهي علشان تعرف تبري القلم


اصل انا قلبي رهيف وحب.... احب اخدم الناس

بارك الله فيك متشكر قوي يا


هيثم اسمي هيثم


عاشت الاسامي يا اخ هيثم ومتشكر علي مساعدتك ليا


انا كدا قلبي طيب وحنين ورقيق قوي ولازم لااااااازم اساعد زملاتي


طيب قوي هيثم دة اقعد اشرب حاجة


اوكي ماقدرش اقول لا لحد خالص موش من عوايدى


طيب باي علشان اتآخرت وخليك بقي مع الاخ ابو قلب رقيق


والمحاضرة دي هاعمل فيها اية


انقل ولا صور ولا اعمل اللي انت عاوزة وبقي اديهوني بكرة في المحاضرة


ان شاء الله ومتشكر قوي انك هاتسيبلي المحاضرة انقلها


لا عادي باااااااااااي



ماتعرفناش بالاخ


اخوك احمد من المنيا


المنيا احسن ناس يا بوحميد انا حاسس ان احنا هانكون اصدقاء


ربنا يسهل يا عم هيثم

بقولك اية


قول يا بوحميد


ابقي حاسب علي الطلبات

سلام


احاسب علي الطلبات اوكي



في اليوم الثاني

مرت اول محاضرة ولم تحضر بطلتنا وفي المحاضرة الثانية وصلت

وعند دخولها من الباب


انتي يا انسة انتي لسة واصلة


فية اية انت ولي امري


انا لو ولي امرك كنت كسرت دماغك جاية متآخرة لية كنتي فين


ونت مالك يابارد يا يا يا يا


اية انتي لسانك راح فين


موش بعرف اشتم او اتكلم بطريقتك المستفزة دى اصل انت


بس بس الدكتور وصل

انتي موش بتكتبي لية المحاضرة


وانت مالك


تصدقي ان انا غلطان اني اسآلك


اصلي موش معايا قلم


ههههههههه ولا علشان خطك اللي يقرف قولتي اصور منو

المحاضرة


مانت ناصح اهو


لا انا احمد


وانا مني


مين سآلك علي اسمك


انت موش مهذب خالص انت انت موش بتعرف تتعامل مع الناس اذاي


تاااااني اة علي فكرة جبتي الكتالوج بتاعك علشان اعرف اتعامل معاكي


لية شايفني ثلاجة ولا غسالة


موش دبست صاحبك امبارح في الحساب


صاحبي مين


هيثم


هيثم مين


لا ما عرفش اسم ابوة


انت عبيط يابني انت


بصوت عالي

انتي اية اللي بتقولية دة يا ست انتي مين هو اللى عبيط


الدكتور

Get out of lecture

يا دكتور


out out

الله يسامحك الله يسامحك منكي لله


بعد انتهاء المحاضرة

صاحبنا واقف خارج المحاضرة


انا اسفة جدآ والله ما كنتش اقصد انت اللي


خلاص لو سمحتي بعد كدا هاقعد بعيد علشان كدا موش هاينفع


موش عاوز تقعد جانبي


بنطرد كل ما اقعد جانبك وبعدين انا عبيط


قولتك اسفة تعالي اعزمك علي نسكافي


بتاع اية دة

نسكافية دة ؟؟

هو انت ابيض علي الاخر ولا اية حكايتك


موش فاهم تقصدي اية


ابو حميد واحشني موووووووووت اذيك يا قمر


مين اللي قمر يا شحط انت هو انت فاكر انك بتكلم بنت


موش قصدي انا كلامي كدا


لا بعدين تتكلم حلو معايا قولتي اسمك اية


هيثم


لا اسم ابوك


محمود هيثم محمود


اتشرفنا ياعم هيثم محمود


لو هاتقف كتير امشي انا


طيب سلام ياعم هيثم علشان الانسة عزماني علي حاجة غريبة كدا


سلام


سلاااااااااااااااام يا معلم احمد


انتي رجعتي في كلامك ولااية


كلام اية


موش قولتي انك عزماني علي نسكفية دة


اسمو نسكافي


عاشت الاسامي


موش عاوز تسآلني سؤال


ايوة عاوز


قول


عملتي اية في المحاضرة كتبتيها وهاتكتبيها اذاى وانتي جاية طرزان

لا قلم ولا براية


يابني انت بتفكر في اية


في مستقبلي طبعآ يعني هافكر في اية


يتبع

انت بجد منين

انا يا ستي اساسآ من الصعيد

ايوة منين في الصعيد

من قرية اسمها الرهاندة تسمعي عنها

منين ؟ بتقول انت منين ؟

اية انتي سمعك تقيل ولا اية حكايتك

لا موش تقيل ولا حاجة طيب تعرف قرية في الرهاندة اسمها الايايبة

نعم ياختي بتقول اية وانتي ان شاء الله تعرفي العزبة دى منين

دي عزبة بابا

ههههههههههههههه عزبة بابا هههههههههههه قولي بابا كان بيشتغل هناك

لا بجد دي عزبة بابا وبابا اسمو السيد ايوب ودة كرنية الجامعة شوف الاسم كمان علشان تعرف

امسك الكارنية بيدية واخذ ينظر اليها وينظر الي الاسم

ماقولتليش تعرف العزبة دي ؟

اللي مايعرفش السيد ايوب يبقى عايش متهني في بيتة واللي يعرفة يبقي ذى حالاتنا مطرود متشرد

الله يسامحك انتي وابوكي ولو سمحتي خلص الكلام بينا قبل ما يبدآ سلام

خد هنا يابني انت بتقول اية

موش بقول حاجة بقول سلام انا مروح

ومالك لما عرفت اني بنت السيد ايوب وشك راح ميت لوون كدا

لم يرد عليها وتركها وذهب

وقفت حائرة من امر هذا الشاب وذهبت مهرولة الي منزلها لتجد امها جالسة في الصالة

ماما هو بابا يبقي مين بالضبط

مالك فية اية يا مني

بسآلك سؤال مين بابا

باباكي اسموا ايوب لية

موش قصدي الاسم انا اقصد الفعل

تبلدت السيدة مكانها ولم تستطيع الرد علي سؤال ابنتها واخذت تبكي

قالت البنت ياااااااااااااااة هو بابا للدرجة دى وحش قوي

وانهالت هي ايضآ في البكاء ولكن داخل غرفتها

في اطراف صعيد مصر في قرية تسمي الرهاندة توجد عزبة اسمها عزبة الايايبة لصاحبها السيد ايوب


كان جالسآ تحت الشجرة وفى يدة عصى صغيرة يضرب رآسة بها ونهض من مكانة والقى العصى من يدة كل هذة من الظهر
لم تتضح معالم هذا الشخص فهو من الخلف نحيف القوام طويل القامة ذو شعر كثيف على رآسة
بعد ان القى عصاة على الارض ذهب اليها والتقتها بيدة اليسرى
ثم القاها فى الترعة المجاورة لة ونظر اليها ثم التفت فجآة وقال بآعلى صوتة
وهو يراها تبتعد عنة فى الماء الى اين ستذهبين الى اين سيآخذك البحر هل بآمكانك فعلآ الابتعاد لالالالا
لا اظن ذلك ثم القا بنفسة فى الماء واخذ يسبح ورائها وهو يحاول ان يسبح ولكن هو
لايعرف السباحة فبدآ يستغيث ويستغيث حتى شاهدة رجال المزرعة الخاصة بالسيد ايوب فآخرجوة من الماء
وافاق مما كان علية ونظر الية الرجال وقال احدهم دى اخر مرة سنخرك فيها من الماء
واذا عملتها تاني سنتركك ليبتلعك البحر ونخلص من قرفك دة
فقال لة لوكنت مكانى لعملتها كتير ولكن اذا كان فهمك فى حجم رسمك وجسمك هاتتفرج عليها وتسيبها تروح من ايدك
وانا لا يمكن ان اسيبها من ايدى ابدآ ثم بدأ يسعل بشدة وكان هناك اتربة كثيرة اتية من بعيد فهى لسيارة السيد ايوب صاحب الزرعة

قال نفس الرجل
كل واحد منكم يرجع لشغلة احنا موش ناقصين الآهبل بن الاهبل دى كل يوم يمرمطنا
معاة وانت شوفلك مكان وغور فية بعيد عن هنا انت فاهم مانتا عبيط هاتفهم اذى؟
العبيط انا عبيط يابن العبيطة واخذ يجرى قبل ان يمسكة الرجل
قال الرجل حاضر المرة الجاية هاسيبك تغرق ياهبل
وقفت سيارة السيد ايوب وقال ماذا يحدث هنا
قال الرجل هاشم العبيط رمى نفسة فى البحر وطلعناة
السيد ايوب
هو كل يوم الموضوع دة انا هاشوفلة صرفة بعيد عن المية وارمية فيها احسن يموت حرام واحنا موش ناقصين وجع دماغ
الرجال مع بعض وهم عائدون الى العمل
قال احدهم الواد هاشم دة اتى الى القرية منذ شهرين فقط قبل كدى كان فين
رد علية احد الرجال وقال لة دى اهبل والبلد مليانة هبل والحكومة سايباهم
رد اخر وقال ليهم ياخونا دى فية ظابط واقف فى محطة مصر والحكومة تبعتلوا الهبل والعبط وهو يرحلهم لبلدناههههههه
واخذ الرجال يضحكون ويضحكون حتى اختفوا عن الانظار

=================

فى منزل السيد ايوب صباح اليوم الثانى

نجد الباب يدق فيفتح الخادم الباب ويقول مرحبا سيدى
ممدوح...... البية لسة ماصحيش اتفضل على ماصحى البية
ممدوح روح بس بسرعة وقول للبية انى مستعجل
الخادم حاضر يا بية تشرب حاجة

ممدوح لا انا مستعجل بسرعة انت بس
اهلآ يا ممدوح يقولها السيد ايوب وهو ينزل سلالم الفيلا
ممدوح اهلآ سيد ايوب عامل اية النهاردة
السيد ايوب الحمد لله خير اية اللى جابك النهاردة بدرى كدى ماهياش عوايدك
الحكومة ياباشا
بتعجب شديد يرد السيد ايوب الحكومة حكومة اية
ممدوح للسيد ايوب رجالتنا فى الداخلية قالولى ان الحكومة حطاكم فى دماغها اليومين دوول
السيد ايوب لجمال وضح كلامك انا موش فاهم حاجة منك عرفوا حاجة عن شغلنا
ممدوح للسيد ايوب البضاعة الآخيرة بعد ماسفرت برة للخواجة عرضوها فى مزاد والحكومة عرفت بالمزاد
السيد ايوب لممدوح واحنا مالنا ماتراقب الحكومة الناس اللى عملوا المزاد لو يقدروا

الحكومة وصلت لرآفت ياباشا
السيد ايوب لجمال رآفت اذاى؟؟
اللى وصلى ان الحكومة كانت مراقبة سليمان عن طريق الموضوع اياة بتاع البزار مانتا عارفة

ايوة عارفة وبعدين
وبعدين اية يا باشا
شوف يا ممدوح ياتوضح الامور يا اما تروح الشغل علشان انا شايف الموضوع مايستهلش الحكى فية فاهمنى
فاهمك ياباشا بس هو الخوف من ان الواد رآفت يقر بحاجة
مايقر هو يعرفنا منين ولا عمرة شافنا اوسمع بينا الإ اذا حد حكى امامة شيء(ونظر الى ممدوح نظرة فيها اتهام)
ممدوح لا ياباشا اطمن على الآخر
انا مطمن انما فية غيرى شكلهم مايطمنش & ماعلينا ارجع انت الشركة وانا هاشوف الموضوع دى بطرقتى ماتقلقش انت مع السلامة

سلام عليكم يا باشا
بابا بابا بابا انت فين
انا هنا يا غزالى فى المكتب
هاى بابا عامل اية
انا الحمد لله تمام نمت كويس امبارح
اة
على فكرة انا طالعة رحلة مع صحابى فى الصحرا
فى الصحرا !!!! هى الناس تسيب الخضرة والمية وتروح الصحرا ههههههههههههههههه
انتى غريبة يا رنا غرييييييييبة
بابا دى ماهياش اول مرة يا عسل
عسل انتى اتعلمتى فى الجامعة الآمريكية ولا جامعة ام حسن
جامعة ام حسن الامريكانى يا باشا انت ياباشا
موافق صح صح
ماشى يا دلوعة بابا انتى والصحرا اللى انتوا رايحنها دى فين
ممكن تكون الصحرا اللى فيها الرملة وممكن تكون الصحرا اللى فيها الجبال ما كلها صحرا يا والدى هى تفرق
لا ابدآ انما للعلم بس
انا معايا تليفونى والعربية فيها تليفون وكل صحابى معاهم تليفونات اية اللى يقلق وبعدين احنا بنروح اماكن مخصصة للسفارى
وسياح كتير بيرحوها وكمان دول بيزحلقوا على الرملة تصور دى

عادى اليومين دول ممكن نتصور اي حاجة المهم اية المطلوب مني غير النقدية يا جميل

رنا هههههههه ربنا يخليك لينا يا اجمل اب فى الدنيا دى كلهاااااااااااااااااااااااا

بعد قليل وبصوت عالي صاح السيد ايوب علي احد خدامة واتي الية الخادم....

نعم سيدي ...... السيد ايوب روح اندهلي الحاج حسن من المزرعة بسرعة يالله

حاضر سيدي قالها الخادم وهو يجري نحو المزرعة للحاج حسن الجابري كبير العمال بالمزرعة

حضر الحاج حسن الي السيد ايوب

تحت امرك يا باشا اوامرك

السيد ايوب شوف يا حاج حسن الواد الاهبل اللي كل يوم والتانى دة يرمي نفسة في الترعة
وباين علية كدا هايجيب لينا وش ووجع دماغ وحنا موش ناقصين لا وش ولا يحزنون فنا بفكر
فى حاجة كدا نعملها ونبعد المحروق دة عنا البلد ويغور في ستين داهية اية رئيك يا حاج ؟
اللي تشوفة جنابك بس علي فكرة الواد دة من اسبوعين سفرتة
الى المنيا وسبناة هناك وبعديها لقيناة هنا تاني موش عارف عرف رجع هنا اذاى موش فاهم ؟
عامل ذى الكلب بتاع سعادك لما كبر فى السن وحاولنا نوزعة ونلا قية هنا تاني يوم لحد ما مات ههههههههههههه
السيد ايوب هههههههههه ايوة فكر هو دا كلب يتعوض ونتا بتقارن الكلب بتاعي بالآهبل بتاعكم دة يا حاج ههههههههههه

شوف يا حاج حسن انت تروح تجيبلي الولا دة ونا ليا تصرف تاني معاة ماشى

اوامرك جنابك تحت امرك هاروح اجيبة حالآ

السيد ايوب لا موش النهاردة هاتهولي بكرة الساعة 7 مساءَ ماشى يا حاج

اومرك ياباشا السلام عليكم

وانصرف الحاج حسن وذهب السيد ايوب وامسك الموبايل وضرب رقم
الو السلام عليكم اذيك يا معالي الباشا اخبارجنابك
فية مصلحة اليومين دول سعادتك تعليمات جنابك يا باشا
تحت امرك تحت امرك

مفهوم جنابك وعليكم السلام


وفي اليوم التالي في تمام الساعة السابعة مساءَ احضر الحاج حسن الواد الاهبل

السيد ايوب فين يا جمال

في المكتب ياحاج حسن

دق الحاج حسن باب المكتب

رد السيد ايوب مين اللي برة

انا الحاج حسن جنابك

ادخل ياحاج

السلام عليكم جنابك

وعليكم

الواد العبيط اهووو

طيب اتفضل انت يا حاج

كان العبيط كما يطلقون علية يقف عند باب المكتب ورآسة الي اسفل

ما سكآ كرباج بيدة السيد ايوب

انت مين انت ياواد انت ارفع وشك خليني اشوف الطلة البهية

ورفع العبيط وجهة واذ بة ينظر الي السيد ايوب نظرة تآمل ويحاول ان يتلمس يدية

فآنهال علية السيد ايوب بالكرباج

ودون ان يتآلم المجني علية يظل ينظر الي السيد ايوب ويقول لة خور خور امعة انت امعة خور

بتقول اية ياحيوان انت

فآخرج العبيط من جيبة قطعة معدنية واعطاها للسيد ايوب


نظر السيد ايوب الي القطعة المعدنية ونظر الي العبيط وقال لة

انتااااااااااااااا انت جبت دى منين

رد العبيط خور حمد امعة طير

موش ممكن انت (عيد ) اللي كنت بتمسك البخور

رد العبيط امعة اور

تعالا تعالا تعالا انت كنت فين المدة دي واذاي خرجت من هناك

مم ياكل مم

انت جعان؟

هشة مم

طيب معاك اية تاني كنت بديهولك فاكر

فآخرج من جيبة شمعة صغيرة مقطوعة

فضمة السيد ايوب الي صدرة قائلآ حمدلله علي السلامة انت اتآخرت عليا قوي يا عيد

تعالا

انت هاتنام فوق في غرفة لوحديك علشان ماحدش يضايقك

انت عارفني صح

يهز رئسة في حركة تعبرية عن نعم اعرفك ولكنة لا يقولها بلسانة


السيد ايوب
وفاكر اخر يوم كنا مع بعض فية كنا فين وبنعمل اية ؟
هاشم
نفس الحركة السابقة ولكن مع نظرة من عينية تدل على الخوف الشديد

السيد ايوب

انت خايف من اية موش عاوزك تخاف خالص
شوف انت تاكل وتنام والصبح اشوفك ماشي
هاشم
في ابتسامة خفيفة يهز رئسة بالموافقة
تركة السيد ايوب وخرج خارج الغرفة وبصوت عالي

جماال يا جمااااااااااااااااال
اها انا هنا هو اهو يا سيدي
السيد ايوب لجمال

عاوزك تفتح عنيك كويس قوي اللي جوة دة يطلب طلباتة اوامر انما يخرج برة الفيلا لااااااااااااااااا برقبتك فاهم

فاهم فاهم تحت امرك سيدي

هناك في القاهرة يجلس احمد بجوار والدة

بقولك اية ياحاج

قول يا بوحميد

انت بينك وبين الحاج ايوب اية ؟

يتبع.......

بس ماتقولش علية حاج دا ما يعرفش ربنا خالص استغفر الله العظيم انت لية يابني جبت السيرة دى دلوقتي

لا انا عاوز اعرف شوية حاجات عنو ليس الا

انا موش عاوزك تعرف غير حاجة واحدة وبس مستقبلك وجامعتك فاهم ولا نقول تاني

خلاص ياحاج دا ماكانش سؤال طيب بعد اذنك يا حاج


مساء الانوار يا ست الكل يا عسل انتي

ابو حميد شكلك عاوز فلوس

لا والله يا امي يعني ما امسيش عليكي !! لية كدا يا ست الكل

مساء الانوار علي عيونك يا قمر

اية الدلع دا كلة ياواد يابكاش انت اخلص عاوز اية

مافيش حد في البيت دة يفهمك قدي يا واد انت

ايوب اللي في البلد عاوز اعرف قصتة اية ؟

روح نام يا تذاكر ياتقعد ساكت وماتجبش السيرة دى علي لسانك تاني

ست الكل انا هاقولك علي حاجة انما ورحمة الغالين ابويا ما يعرفش عنها حاجة خالص

قول

شاهيناز زوجة السيد ايوب وحشة ولا حلوة ؟

والله انا ما شوفتهاش علشان احكم عليها وبعدين انت عرفت اسم شاهيناز دة منين واذاي

هه هه لا ابدآ اصل معايا في الكلية واحد ايوة واحد صاحبي لما عرف اني من عزبة الايايبة في الرهاندة

قالي فية واحدة جيرانهم اسمها شاهيناز كانت متجوزة من نفس بلدكم بواحد اسموا السيد ايوب

شوف يا لمط شاهيناز دي اتجوزت السيد ايوب وخلفت منو بنتين واحدة اسمها مني والتانية اسمها رنا علي ما اذكر

وبعد سنة سافرت مصر بعد ما اخذت بنت من الاتنين ونقطعت كل حاجة
عنها بس اللي اعرفة انها لسة زوجتة ( مطلقاش يعني ) حاجة تاني

طيب ما انتي عارفة حاجات اهو ما تحكي

احكي اية قولتك روح شوف حالك يا ساتر عليك

تصبح علي خير ياقمر

فلاش باااااااااااااااااااااااك))

داخل غرفة مكتب السيد ايوب

يلمس جدار مكتبة بها العديد من الكتب وتنشق المكتبة وبداخلها خزينة يدير ارقامها شمالا ويمينآ وتنفتح الخزينة


و يمسك بيداة قطعة من ورق شكلها قديم جدآ ويستغرق في قرائتها

ويقول هل حان اوانك هو الواد دة جهة في الوقت المناسب ولا اية حكايتة

وهنا ترجع بة عجلة الزمان الي الوارء

ليل قاتم في صحراء قاحلة يمشي اثنان الاول شاب طويل القامة هو السيد ايوب والاخر طفل صغير

لا يتعدى الــ 12 عامآ يمسك في جلباب هذا الشاب

يقول السيد ايوب

ايوة هنا عاوزك تقف هنا في الحتة دي تمسك الشمعة بآيدك اليمن دى ايوة دي والبخور بآيدك الشمال

شوف هاولعلك الشمعة والبخور بس اهم حاجة
تخلي البخور دايمآ شغال اوعي البخور يخلص معاك كتير اهو كل شوية تحط منو

احسن العو يخطفك وبعدين ياكلك

الطفل مانا عارف هي دى اول مرة اجي معاك هنا

السيد ايوب
طيب انا هاشوف شغلي وخلي بالك من البخور

واخذ السيد ايوب يتهته ببعض الكلمات الغير مفهومة

شرتة بالمعشي بان اوووش روياف يكون البكاء شوني جا اوري محب اووة باكر الفرح انا شورب ابن اوحالا

ويرفع يداة ببطء شديد مع كلماتة فترتفع الرمال الي الاعلي وينكشف باب حجري

ويذيد من تلك الكلمات فينفتح الباب ويظهر طائر يحوم من فوق رئسة
ويذيد من الكلمات فيرتفع الطائر عاليآ وينشق الحجر وتظهر سلالم

فيذهب الطفل ماسكآ الشمعة والبخور الي اول درجة في السلم

فيهبط السيد ايوب درجات السلم

وهنا ....... يدق باب غرفة السيد ايوب فيفزع من الطرق ويقول مين مين اللي بيخبط

انا جمال يا سيدي

وعاوز اية يا زفت انت دلوقتي

الواد اللي في الغرفة يا سيدى موش موجود

انت بتقول اية يا بجم يا صنم ياللي مافيكش فايدة ادخل يا حيوان

راح الواد فين... الواد دة برقبتك وقلتك كدا الواد دة لو ما ظهرش الليلة بموتك فااااااااااهم

فاهم فاهم سيدي

غور في داهية وماترجعش الا بية يا حيوان

حاضر حاضر سيدي




في احد المنازل الريفية بتلك القرية يسكن حمودة وزوجتة منال واولادة الاربعة
حمودة عامل فى مزرعة السيد ايوب ومنزلة فى اطراف البلدة وبعيد عن العمران

في هذا المنزل كان حمودة يتسامر مع زوجتة منال

اية ياولية احنا موش هناكل ولا اية
منال ايوة حاضر ثوانى والاكل هايجهز اهو

طيب بسرعة احسن واقع من الجوع
اتفضل يا سيدى الاكل بالهنا والشفا ماطرح مايسري يمري

بسم الله الرحمن الرحيم
اية الجمال دة والطعامة دى يا ولية دا جنان زيك

يعني انا مجنونة يا راجل ياولية بدلعك ههههههههههه

منال يوة انا افتكرت ههههههههههه

منال انا موش عارفة يا خويا انتا جبتنا فى الحتة المقطوعة دى لية وسكنتنا

حمودة ما باليد حيلة هنا الارض سعرها رخيص
والحمد لله بيتنا تمام اهو وما تكلفناش كتير ونتي عارفة العين بصيرة واليد قصيرة
وحنا احسن من غيرنا كتير

منال ايوة على رئيك بس بتعب من المشاوير علشان المسافة

ياسيتى بكرة ربنا يسهل والناس هاتيجي تبني وتقعد جنبنا هنا

انتي سامعة صوت برة .. منال ايوة ياخويا صوت بيخربش كدا ....
هات السلامية من عندك يا فارس .....حاضر يابا
احضر فارس وهو شاب عندة18عام واكبر اخواتة الاربعة

فية حاجة يابا لا مافيش انا سامع صوت برة هاخرج اشوف فية اية

فتح حمودة الباب وقال مين برة

رد علية صوت من وسط الظلام

اممممممممم امممممممممممم

عاوز اكل ياعم عندك اكل

حمودة مين انت

انا عاوز اكل عندك اكل يا راجل انت ولا لاااااااا

كانت زوجة حمودة تقف بجوارة فقالت دا الواد الاهبل تعالي يا منيل

انت ماجيتش النهاردة تاكل لية ذى كل يوم

اجي فاا ونا عارف اجي هنا خالص

مانتا بتيجي كل يوم اشمعنا النهاردة رد حمودة وقال هههههه
اصلوة كان بيستحما فى الترعة النهاردة وكان هايروح فيها

يمكن فقد الذاكرة ياولية ههههههههههههههههههه

تعالا تعالا خد كل الاكل اهو

حمودة لزوجتة هو الواد العبيط دة بيجى هنا كل يوم

من اسبوع يا خويا لقيتة واقف وريقة جمادة قولتة تشرب هز دماغة كدا ومن يومها بيجى يشرب
ويا كل الاكل اللى بيفيض مانتا عارف ماعندناش
فرختين نوكلهم الاكل اللى بيفيض قولت اهو كلة بثوابة بدل مانرمية خسارة هو اوللا
حمودة عملتي خير بس دا واد اهبل خلي بالك لا يسوق الهبل ع الشيطنة ويكون حرامي

زوجة حمودة بضحكة عالية هههههههه وايش ياخد الريح من البلاط ههههههههههههه
رد حمودة موش لما يكون عندنا بلاط فى الاول يا مرا ههههههههههههههههههههههههههههههه

والواد دة بينام فين ماتعرفيش انا عارفة ياخويا اهو تلاقية بيتلقح في خن والسلام

خلاص خلية يبات عند الطرف الشرقى فى الخص اللى هناك

عملت معروف فية والله احسن يبرد ويموت ويجبلنا لهوة متقلة

انت اسمك اية بيقولوا هاشم اسمك حلو ياهاشم عاشت الاسامي

هي الاسامي بتعيش ؟
ههههههههههههههه يعني ياعم هاشم مادوقش

في صباح اليوم التالي


استيقظ حمودة وزوجتة واولادة وكان يوم الجمعة وهو يوم راحة من العمل

صباح الخير ياولاد

صباح النور يابا

عاوزين النهاردة ان شاء الله نخلص فحت الخزان بتاع المجاري

حاااضر يابا

ذهب حمودة واولادة ليكملوا عميلة حفر بئر يكون خزان لباقيا مخلفاتهم فوجدوا هاشم العبيط نائم في الخص

صحي الواد دة واديلوا ياكل

زوجة حمودة انا جبتلوا الاكل اهو هاشم تعالي كل

اخذ حمودة واولادة يفحتون و هاشم ينظر اليهم بتعجب !!

قال حمودة اية ياعم هاشم انت موش عاجبك شغلنا

هز هاشم رئسة وقال لهم

موش هنا هناااك فية الناحية التانية هنا لااااااا

اية هو اللي موش هنا وهناك في النحية التانية يا مهندس الخزانات انت هههههههه

وقام هاشم واخذ من حمودة احدى معدات الفحت وذهب في منطقة بجوار المنزل واخذ يفحت

حمودة قال لة

لااااااااااااا موش هنا اصل الحمام الناحية اللي هناك والمنطقة دة لو فحتنا فيها هاتكلفنا مواسير كتيرة

تعالا انت بس استريح وحنا هانخلص كل حاجة

فقال لة هاشم

افحت هنا ونت موش راح تندم اسمع كلام العبيط تكسب

نظر الية حمودة باستغراب شديد

مانتا بتتكلم حلو اهو

فقال هاشم افحت هنا هنا في الحتة دى علشان ماتتعبش

حمودة لهاشم

طيب ريح اعصابك انت علشان نخلص شغلنا

واخذ حمودة يكمل الفحت وفجآة ظهر لة قبة صغيرة فقال حمودة بتعجب شديد

اية دة بسم الله الرحمن الرحيم

دي قبة يابا شكلها كانت جبانة ولا حاجة

بس ياواد انت وهو ما حدش يجيب سيرة احسن امكم بتخاف

وتعالوا نفحت جنبيها شوية

واخذوا يفحتون مرة جديدة بعد ان ردموا ما فحتوة سابقآ

ولكنهم يجدون نفس القبة مرة اخرى

وبتعجب شديد جدآ قال حمدودة لـ اولادة

ياولاد شكل المنطقة دى كلها كانت جبانات بلاش نفحت هنا وتعالوا نفحت في حتة تانية خالص

وذهبوا الى قطعة اخرى جديدة بعيدة عن تلك المنطقة الاولي

وقال لهم هاشم

موش هنا هناااااااااااااك روحوا افحتوا هنااااااااااااااااااك

فذهب حمودة الي هاشم ونظر الية وقال

هو هنا فية اية بالظبط
قال هاشم مافيش حاجة خالص .....هناك روح هناك

حمودة يحاور هاشم

يعني هناك مافيش جبانات ؟؟

فقال هاشم هناك افحت هناك

فقال احد اولاد حمودة

يابا دا باين علية مكشوف عنوا الحجاب شوفت لما قالك افحت هنا علشان ماتتعبش روحك

ايوة يابني باين علية كدا تعالوا نفحت هناك ذى ما قال لما نشوف يمكن نلاقي مصباح علاء الدين

احد اولاد حمودة

ايوة يابا اهو ينور لينا ببلاش لحد مانوصل الكهربا
هههههههههههههههههههههههههههههههه

اسكت ياواد وخلص علشان نخلص النهاردة

واخذوا جميعآ يفحتون ويفحتون ويستمروا في الفحت الي ان وصل الي نهاية العمق اللي عاوزينة للخزان

الحمد لله اهو كدا تمام التمام يا ولاد الله ينور عليكم

فقال لة هاشم لسة شوبة

فقال حمودة لا هو كدا تمام وبعدين المغرب دخل علينا وعاوزين نرتاح

والبير كدا اساسا حلو موش وحش ياعم هاشم نملاة احنا بس

فقال هاشم افحت شوية كمان

فنظر الية حمودة وقال

يتبع........

انت عاوزني افحت تاني لية ؟

موش ليا دا ليك انت

بكرة ان شاء الله هاكمل فحت

فقال لة هاشم

موش هتلاقي الفحت بتاعك لو سيبتة هايتردم تاني افحت ونت موش هاتندم

فقال لة حمودة موش هاندم حااااضر هاسمع كلامك لما نشوف

واخذ حمودة يفحت ويفحت هو واولادة وفجآة يجدون قبة مثل القبة اللي ردموها صباحآ

بسم الله الرحمن الرحيم اهي طلعت جبانة ياعم هاشم والخزان كان هايبقي علي الميتين اسغفر الله العظيم
هافحت فين بس ياربي تااااااااااااااني بعد التعب دا كلة

فقال لة هاشم اكسر القبة اللي ادامك

قبة اية اللي عاوزني اكسرها انت اتجننت

اسمع الكلام واكسر القبة

فكسر حمودة القبة وهو مستعجب لـ امر هذا الرجل

واذا هو يكمل كسر القبة اذ بترااااب كثير ينهمر في الفحت وينزل الي فتحة كبيرة في الاسفل

ويقول حمودة يا ساتر يارب استر ياللي بتستر اية دة القبة فيها سلالم يا ساتر يارب

فيقول لة هاشم اخرج

وهبط هاشم في البئر واخذ يتحسس السلالم واخرج من جيبة بعض من البخور وطلب من حمودة ان يآتية بشمعة

وشيء يضع فية البخور ويكون من الفخار وبة بعض من الطين الناشف

وهنا علم حمودة ما الذى كان يقصدة هاشم بآنة سيكسب ولن يندم

فهرول الي المنزل واحضر كل ما طلبة هاشم منة

واشعل لة بعض الفحم في اناء من الفخار المليء بالطين الناشف

وهبط الي هاشم عند اول درجة من درجات السلم

فقال لة هاشم هنا ستكون بدايتك او نهايتك هنا سيكون لك ماكتب لك ولن تآخذ شيء اكثر من المكتوب

فقال لة حمودة يكفينى ما يكفينى انا واولادي ولن اطمع بشيء اكثر

فقال لة هاشم تعالي انت فقط واترك اولادك فوق

فطلب حمودة من اولادة وزوجتة عدم الحديث او الصياح واذا تآخرا الي الصباح يقوموا بتغطية البئر

بالقش ولا يخبروا احد عن الذي حدث حتي ولو مكثوا الدهر كلة في تلك البئر

وهبط حمودة ومعة هاشم درجات السلم حتي نهايتها وهنا يجدون حجرآ كبيرآ علية رسومات كثيرة

فآخذ هاشم يتحسس تلك الكلمات الي ان وصل الي كلمة معينة ينقصها حرف واخرج من جيبة قطعة من الحديد المدبب

صغيرة الحجم واخذ يكتب الحرف الناقص من الكلمة مستخدمآ حجر من الارض يطرق بة علي قطعة الحديد

وبعد ان انتهي من كتابة هذا الحرف الناقص فجآة ينشق هذا الحجر الي نصفين وينفتح علي مسرعية

وهنا فجآة يشعر السيد ايوب بشيء غريب يحدث

ويقول اتفتحت اذااااااااااااااااي مين اللي يقدر يفتحهااااااااااااا

=-=-=-=-
وهنا طلب هاشم من حمودة ان يضع البخور علي الفحم ويذيد من هذا البخور

ففعل حمودة

ودخلا الي داخل هذة الفتحة

ويجدون داخل هذة الفتحة مقبرة لـ احد كهنة مصر القدامي

فقال هاشم لحمودة

خد اللي انت عاوزة وانا هاخد اللي انا عاوزة

فقال حمودة اذا تاخذ انت ماتريدة في الاول وبعدين هاخد انا

فذهب هاشم الي تابوت الكاهن وفتحة وتلمس رقبتة واخرج من رقبتة شيء ما

ثم شربة علي مرة واحدة وقال

اةةةةةةة اهاااااااااااااااااا كدا تمااااااااااااااااااام

فستغرب حمودة وقال انت شربت اية يا عم هاشم

فنظر هاشم الية وقال

موش شغلك انت قولت اني اخد في الاول فسيبني

واخذ هاشم من الكاهن

دلاياتة وعصاتة وخاتمة وورقة من البردي كانت علي صدر هذا الكاهن

وتلمس هاشم خلف رقبة الكاهن واخرج شيء ما ووضعة في جيبة

وقال هاشم انا اخذت اللي انا عاوزة

فقال حمودة الن تآخذ ذهبآ او تمثال من هذة التماثيل الصغيرة دى من الذهب الخالص

فقال هاشم لقد اخذت ما جئت ان اخذة

فخذ انت ماتريدة

فقال حمودة هاطلع اجيب حاجة املاها من فوق وانزل تاني

فامسكة هاشم وقال لة لن تجد شيء اذا ذهبت خذ ما تريد الان

فخاف حمودة كثيرآ من تلك النظرة المصاحبة لهذة العبارة

وقال

ماشي هاخد الحاجات دى ودى والتمثال دة وشوية العملات دول وبس علشان موش عارف اشيل حاجة تاني

طيب مانتا ايدك التانية فاضية اهي خد حاجة ليا معاك

فقال لة هاشم والبخور من سيمسكة لحين خروجنا من هنا ؟
فخلع حمودة جلبابة وملئة باشياء صغيرة الحجم من الذهب وقال خلاص كفاية كدا الحمد لله

فقال هاشم لة هيا لنصعد

وصعدا درجات السلم ليجدوا الاولاد وزوجة حمودة في انتظارهم وقال احد الابناء انا هاجيب حاجة علشان ننزل نملاها

فقال لة هاشم تنزل فين انت شايف ان فية حتة ممكن تنزل فيها

فنظروا جميعآ الي البئر ليجدوة قد ردم

فقال حمودة خوشوا جوة كلكم ماسمعش نفس لحد جوة واحمدوا ربنا علي النعمة اللي معانا

زوجة حمودة

انا خايفة ابيت هنا النهاردة نروح نبيت عند اختي ولا اخويا

بس ياولية انتي عاوزة تفضحينا يقولوا اية انتي عاوزة الناس تعرف ان احنا لقينا مقبرة للفراعنة

والحكومة تسلسلنا وياخدوا الحاجات دى مننا ونتحبس جماعة

شوفي تعالي وشوفي احنا لقينا تحت اية دة فية حاجات تحت بس يا خسارة لو كنت لابس خمس ست جلبيات كنت مليتهم كلهم

فقال لة هاشم

ما نا قولتلك من الاول موش هتاخد غير المكتوب ليك ونت اللي كنت بتنقي موش انا

فقال احد ابناء حمودة

وهو هاشم خد اية ؟

هو شرب حاجة كدا موش عارف هي اية

وخد اربع او خمس حاجات وبس مع انوا كان ممكن ياخد تاني بس هو عارف هو اخد اية

فقال هاشم لحمودة انا هاسيب الحاجات دى عندك امانة عارف يعني اية امانة

كلة الا الامانة سيبهم وذي ما هاتسيبهم هاتلاقيهم

هاشم ... انا هاخد الخاتم دة بس معايا وهاسيبلك الباقي امانة انا عارف انك امين وطيب وموش هاتفرض في الامانة

هاروح انام علشان تعبت قوي